Ataraxia – أتاراكسيا Lyrics – Abyusif – أبيوسف

[المقطع الأول]
أوقات فراغ تقلب سواد، سراب
هنروح بدري من العيد ميلاد قوم أوام ده عقاب
غل جواه، هموم قدامه والشباك وراه
لحد ما لَف ورمى الحِمل ده من الشباك وطار
ما نزلش الأرض، فضل طاير وسط سحاب السما
بين قلوبنا حاجز والحاجز أنا
الدنيا ترمي فرص وأنا أقوم حادف ندم
حاجات كتيرة بحلم بيها ومش بحاربلها
أصوات الناس بيبعد، فقرة دماغي بتبدأ
قلبي بدون إحساس ومش في دماغي فكرة
عمرها ما كانت أغاني، دي حاجات عايشها
ودي مش الشخصية ده اللي باقي منها

[اللازمة]
وِحدة بتكتم على نفسي
وأنا بتونسني أصوات في دماغي
سنين ما عرفتش عمري، أنا مين؟ ولا فين؟ ولا بعمل إيه بالذات؟
وحدة بتكتم على نفسي
وأنا بتونسني أصوات في دماغي
سنين ما عرفتش عمري، أنا مين؟ ولا فين؟ ولا بعمل إيه؟

[المقطع الثاني]
ظروف الشك علموك الكبت وسوء البخت
رسوم للدفع، شبهوك بالمسخ، مكسور النفس
جنون القلب بشيء في حضوره بكم، يغور الهم
رحلتي من مين يوسف ده؟ لإيه ده أبيوسف جه
إتأخرت ليه؟ يمكن خفت
بس بص في وشي، هيقولك عشت وشفت
تسمع صوتي اللي بيه كدبت وقلت إني مش بحس بس طلعت بحس أهو
تدفع عمر، تاخد شهرة وتاخد صيت
تاخد بالك من دماغك وتعيش سليم
تشوف الحلم وإنت نايم، تصحى ما تلاقيش اللي إنتَ عايشه دلوقتي، هيبقى بعد سنين، ده التاريخ
لو حاسس بيا، تبقى لوحدك زيي، دي مشكلتك
بيقولوا لما تكبر بتبقى عايز إن الناس تفتكرك
بيقولوا مجنون وسوي، مش بفهم منه غير قليل
بيقولوا كلام كتير بس أنا عمري ما كنت مستمع جيد

[اللازمة]
وحدة بتكتم على نفسي
وأنا بتونسني أصوات في دماغي
سنين ما عرفتش عمري، أنا مين؟ ولا فين؟ ولا بعمل إيه بالذات؟
وحدة بتكتم على نفسي
وأنا بتونسني أصوات في دماغي
سنين ما عرفتش عمري، أنا مين؟ ولا فين؟ ولا بعمل إيه

[المقطع الثالث]
هو أنا ده اللي بيقعد على جنب ما بيتكلمش؟
الدنيا تضرب فيه بس ما تفهمش
ويشوف الإشارات بس ما يترجمش، فما يكملش
ولا أنا ده اللي بيفضل يعنِد وما بيستسلمش
ما يبصش على بكرة وما يآمنش
اللي لما بيطلع ما بينزلش ويقولك على كل حاجة إنها ما تفرقش

[جسر]
لإنها ما بتفرقش، اللي جوة بيفضل جوة، غل وغضب ما بكتمش
الحاجات ما بتكملش
تقولي “بارد”، ما بتكدبش
بالي شارد على رمشي
شايل همي على ونش

[اللازمة]
وحدة بتكتم على نفسي
وأنا بتونسني أصوات في دماغي
سنين ما عرفتش عمري، أنا مين؟ ولا فين؟ ولا بعمل إيه بالذات؟
وحدة بتكتم على نفسي
وأنا بتونسني أصوات في دماغي
سنين ما عرفتش عمري، أنا مين؟ ولا فين؟ ولا بعمل إيه؟