TAQATO3 – تقاطع Lyrics – Marwan Moussa – مروان موسى

“تقاطع”
اخر اغنية في المرحلة التانية من الالبوم اللي هي مرحلة الغضب بيعرض فيها مروان القصة بتاعة علاقته اللي خلته يوصل للمرحلة دي

[المقدمة: محمد منير]
كام عام ومواسم عدو
وشجر الليمون دبلان على أرضه

[المقطع: مروان موسى]
ياه، في الوقت الحالي أنا في تقاطع وأنا بتقطع لازم أختار
هل هبقى الصفحة الأولى ولا المصيبة في موجز الأنباء والأخبار؟
دخلت المجال ده بالصدفة لولا ألطاي ما كانوش شافوا مروان
كل ما الساعة بتتكلم بفهمها أكتر، الزمن قلاب وغدار
أبدأ منين؟ مُرفه؟ عديم الإحساس؟ ولا الإتنين؟

سنين شقيان ع الفاضي على شان أثبت بس للناس أنا إيه
أنا إللي رُحت وجيت، أنا الرحال إللي بين كذا بيت
أنا إللي عيشتي إتقسمت نصين، بعيش فيها كإني إتنين
أنا إللي بظهر بس بالليل فياه من القمر
لو قُلت لجريدة الشروق عن ألبومي يرتبوا لي مؤتمر
‫صورتي Screensaver صاحبتي بس عندي مش هي على Cover
قسمنا المصلحة خمسين خمسين، مية مية يعتبر

[جسر: مروان موسى]
مش طايق حياتي عشان كئابَنجي
ربع إنتقاد في وداني، أنا همشي
شايل جِبال وأنا شايل همي
شايف سواد وده العادي، أنا عندي
سلبيات، أنا سلبي
أكتر من كده بكتير، أنا معبي
شبك عناكب شبك في قلبي
سنين شبابي ضاعت، مش ذنبي

[المقطع الثاني: مروان موسى]
جُم سلموني المسؤولية في إيديا، ما كانش سني ولا كان وزني
شِلت البيت بلا باي ولا بينش في جسمي ولا تمرينة تجهزني
شايل في صدري، واخد على خاطري لحد ما جنون العظمة خدني
قابلت توأم روحي في نفس الفترة وما كانتش بتهوّنلي ولا تسهلّي
حبيتها بس راح كله في العدم
إتشقلبت وما كانش عاجبها العجب

صحابي قالوا ده ماله؟ ده إتهبل
ماريو إتدلق، فين أيام الخجل
يمكن دافنة له كام شعرة في الجبل
ما القلب أعمى يا حبي، إيه العمل

[جسر: مروان موسى]
حبيتها لحد ما علِّت صوتها وما بقيتش في عيني القطة
لما بتشوف وش القمورة التاني ممكن تقصر المدة
ممكن تخضك بعدها تيجي وتقولك كنت بحاول أصُدك
بيبي والله العظيم أنا الدُنيا دي بحالها ما فيهاش إللي يسمعني خُطبة

[المقطع الثالث: مروان موسى]
‫بياع، شغال أنا Sales، خد تخفيض، مش همسك في حد
الباب يفوت حوت فما تحسسنيش إن سيادتك دافعلي الأجر
وإللي بيترسم كإن ما فيش منه إتنين لو جالي هنتكسِك بجد
مع إنه مش مُستحب أنا أحسنلي ما أدخلش في دراما وأكمل عد
فلوس نشتري بيها حرية
عروض غريبة مغرية
مجالنا زي البورصة
‫الـ Artist هو السلعة إللي فيها مودّية
حاليًا جاضض ع الدنيا
بُص في عينيا، فيها تبريقة غبية
محتاج هذه العقلية
روح التحدي الحاجة الوحيدة إللي فيا
الوحيدة إللي فيا
آه، يا زميلي حرفيًا
ياه، حاليًا جاضض ع الدنيا
بُص في عينيا، فيها تبريقة غبية
محتاج هذه العقلية
روح التحدي الحاجة الوحيدة إللي فيا

[الخاتمة: مروان موسى]
النهاردة إنت تريند
‫‫‫بكرة الـ End
هتروح مني فين؟
إنت ليه نفسِنت؟
أنا في الچيم
أنا إتحسِنت
برو، ما تقارنش
‫ما زلت أنا الـ King
النهاردة إنت تريند
‫‫‫بكرة الـ End
هتروح مني فين؟
إنت ليه نفسِنت؟
أنا في الچيم
أنا إتحسِنت
برو، ما تقارنش
‫ما زلت أنا الـ King