’NA VITA ANNANZ Lyrics – SLF

Read the full ’NA VITA ANNANZ lyrics by SLF along with the music video, song credits, release information and other details about the song.

[Pre-Ritornello: Lele Blade]
Sempe stato a ll’urdemo banco
Maje tenuto n’angelo a ffianco
Machine ‘e lusso, cullane ‘rosse, faccio penziere sbagliate
Scusa, ma’, si aggio sparato
Vulesse turnà areto, però nun torno â casa

[Ritornello: Yung Snapp]
Nn’so’ maje stato uno d”e tante
Nun respiro, l’aria me manca
Tenevo nu suonno, tenevo nu nomme
Tenevo tutt”a vita annanze
Scusa, ma’, m’hanno sparato
Mo stongo stiso ‘nterra, ‘o core s’è fermato

[Strofa 1: Lele Blade & Geolier]
Facce pulite, mane sporche ‘e sanghe, killer a quinnic’anne
‘A vita perde valore e l’aria se fa pesante
Cresciuto ch”e mite sbagliate, l’esempio d”o pate
Che è stato cchiu ‘a dinto che â casa, pare fatto c”o stampo
Parte nu colpo che spezza ‘o silenzio
Pe fà esperienzie ‘mmiez’â via se mette fine a n’esistenza
E Napule chiagne n’atu figlio martire
E ‘sta società ch’emargina chi è bbuono e dà nu premio a chi nn’s”o ‘mereta
Nun basta truvà ‘o colpevole pe cagnà ‘e cose
‘E sorde nn’ponno accattà chello ca nun tene costo
Te chiede: “Chesta è ‘a strada giusta?”, Dio nun t’ha risposto
Chi vò fà bbene dint’â vita nn’pò ricevere l’opposto
Vive ‘o pericolo comm’abitudine
Puorta nu fierro a ll’inguine tutt”e sere p’attitudine
Cecato dô putere, penza d’essere invincibile, yeah
Ma po se trova sulo (Ah), na ferita inguaribile, yeah

[Strofa 2: Geolier]
Scusa ma’, scusa pa’, scusa Dio, scusa fra’
Scusa â mamma e ô pate ‘e chi è caduto ‘nterra
Scusa ch’alla fine è juto comme te penzave

Scusa pa’, ‘o saccio ca tutte ‘sti scuse nun te serveno
Santo forse era ‘ddiventato jucatore
E pure Giogiò era ‘ddiventato musicista
I’ so ‘ddiventato detenuto, prevenuto
‘O munno m’hê caduto ‘ncuollo e sto sulo i’ e nisciuno ‘o ‘iza
‘O sanghe ‘nterra pe via ‘e ll’intemperie s’aggrumisce
‘Sta pistola, tutto ‘sto sudore arrugginisce
Mammà cu tutt”e collere che piglia more primma
Papà nun me difende nonostante songo ‘o figlio
Scusame, usame comm’e n’esempio
Mo nun tengo futuro ma sulo passato e presente
Ma papà e mammà m’amano sempe

[Pre-Ritornello: Lele Blade]
Sempe stato a ll’urdemo banco
Maje tenuto n’angelo a ffianco
Machine ‘e lusso, cullane ‘rosse, faccio penziere sbagliate
Scusa, ma’, si aggio sparato
Vulesse turnà areto, però nun torno â casa

[Ritornello: Yung Snapp]
Nn’so’ maje stato uno d”e tante
Nun respiro, l’aria me manca
Tenevo nu suonno, tenevo nu nomme
Tenevo tutt”a vita annanze
Scusa, ma’, m’hanno sparato
Mo stongo stiso ‘nterra, ‘o core s’è fermato

[Strrofa 3: MV Killa & Vale Lambo]
Simmo vittime e carnefice (Ah)
Tu saje distinguere ‘o bbene dô male
Dipende ‘a comme sî stato educato
Passo veloce, precoce, yeah
‘Mmiez’â via ‘o segno d”a croce
Guagliune senza voce prese ‘e mira
Chi sbaglia vò nu lieto fine, ma nn’è ‘o cinema
‘A realtà tene quase sempe nu finale atroce (Finale atroce)
E nn’è normale ca chi studia, chi fatica
Fernesce tre metre sottoterra ‘int’ô tauto
Ccà nisciuno te salva
Nisciuno t’aiza ‘a terra si nn”o faje tu
Te muove oppure aspiette che cagna?
Nisciuno penza a te si nn’ce pienze tu
Dimme che faje quando pierde ‘a fede
T’aize e vaje annanze o te guarde areto?
‘Sti strade so’ fredde, nisciuno ccà vence (Angelo)

[Strofa 4: Vale Lambo]
Quanto costa na vita? Arrive ê diciotto e po?
I’ jucavo ô pallone cu nu guaglione ‘e core
Chi te vò bbene vò sempe coccosa
Caccio ‘a pistola si me spuorche l’Air Force (Fah-fah-fah-fah)
Mo me ne vaco, meglio si me ne fujo
Io nun so’ comme lloro, lloro nn’so’ comme nuje
Napule ê vote fa male, ma nun è colpa soja
Forse ce manca nu Stato oppure simmo nuje

[Ritornello: Yung Snapp]
Nn’so’ maje stato uno d”e tante
Nun respiro, l’aria me manca
Tenevo nu suonno, tenevo nu nomme
Tenevo tutt”a vita annanze
Scusa, ma’, m’hanno sparato
Mo stongo stiso ‘nterra, ‘o core s’è fermato