FAHMAN DONIA – فهمان دنيا Lyrics – Marwan Moussa – مروان موسى

Read the full FAHMAN DONIA – فهمان دنيا lyrics by Marwan Moussa – مروان موسى along with the music video, song credits, release information and other details about the song. If you enjoy Marwan Moussa – مروان موسى’s music, you can also explore FAWATER EL 3ETAB – فواتير العتاب and EL 3NWAN – العنوان, two other songs by Marwan Moussa – مروان موسى.

[المقدمة]
مش عارف ليه الليالي دي بالذات؟
بفتكر ماضي عليه مية علامة إستفهام
غش، غل، كذب، كراهية، كل شيء متاح
في دنيا فيها الصادق قيمته أقل من الكذاب
ما لقيتش فايدة أرمي ودني لكلام الناس
شافوني غلط، برضه أنا كملت وبإعجاز
يمين شمال، طريق طويل، تايه، كنت محتاس
قررت أمشيها صح الصح، الصح وعكس عكاس
(حاول تفتكر)

[اللازمة]
ياه، الصورة مقسومة نصين بالظبط
فـ حاولت أوزنها، مشيت ع الخط، خلاص فرهدت
جوابي إتبعت، سؤالي إتسأل، ما شُفتش رد
لحظة وعليها أسمنت إتصب
وأنا فهمان دنيا، إزاي أتخض؟
‫رؤيتي للورق غير التقليدي
ده رأي الزُملا، أنا سِبت النص
بنيت شخصيتي، ما سِبتش مصر، أنا لسه في بيتي
‫‫ما عِشتش Fake وما عِشتش زيف
أنا من الأرياف، أنا راجل البيت
والعيش والملح يا أخويا ما نسيت

[المقطع الأول]
موجة الدبرسة جَتلي زي في أيام المدرسة
حضني إتعزل، قلبي إتوفى، ما رُحتش عزا
صباح ومسا تركت الحب وأخَدت الآذى
كله إتحذف، بوظت علاقتي بكل الناس مع كل الآسف
فـ سألت “إزاي؟” كإني نساي
لو هشكي الحال هبدأ بودكاست وهكون رغاي
وهودي حزايني وأخليك تبكي أنا زي الناي
لسه ما حسِّنتش حالي
‫‫بيقولك “قوم يا موسي، الموسم جاي”
موسم إيه؟ بقالي شهور محبوس في البيت
مخنوق من الحيط وحال الدماغ مربوط من الخيط
‫‫وشي الفرفوش بقى غير مألوف، بيقول “ملّيت”

مسحول في الصورة، الصورة، الصورة دي طول الليل

[اللازمة]
ياه، الصورة مقسومة نصين بالظبط
فـ حاولت أوزنها، مشيت ع الخط، خلاص فرهدت
جوابي إتبعت، سؤالي إتسأل، ما شُفتش رد
لحظة وعليها أسمنت إتصب
وأنا فهمان دنيا، إزاي أتخض؟
‫رؤيتي للورق غير التقليدي
ده رأي الزُملا، أنا سِبت النص
بنيت شخصيتي، ما سِبتش مصر، أنا لسه في بيتي
‫‫ما عِشتش Fake وما عِشتش زيف
أنا من الأرياف، أنا راجل البيت
والعيش والملح يا أبويا ما نسيت، آه

[المقطع الثاني]
وما فيش منك، مش لاقي
في الواقع الإستبدادي
إزاي تاه مني النص التاني؟ نصي الألماني
إتقطعت صلتي والقافلة تسير
‫‫هل فعلًا دي قافلتي؟ أنا شكلي محتاج Therapy
بسأل نفسي سؤال وبرد كإنه إتنين، بعدين نتشاكل
وبنتشاكل، طب بعدين، حاولت أحل بين الطرفين
هو أنا بتألم ولا بتجنن؟
في دماغي صوت صرخة قاعدة بتدندن
حللت الماضي، قُلت إللي جرالي
ليه بقيت زومبي برؤية رمادي؟ واخد الدنيا براسي
أي إحساس يظهر هنطَفي، طب مالك المرة دي؟
وغلاوتك عندي أنا من بعدك ما عرفت أمشيها طوالي
وصورتنا لسه في بالي، حاضناني

[اللازمة]
ياه، الصورة مقسومة نصين بالظبط
فـ حاولت أوزنها، مشيت ع الخط، خلاص فرهدت
جوابي إتبعت، سؤالي إتسأل، ما شُفتش رد
لحظة وعليها أسمنت إتصب
وأنا فهمان دنيا، إزاي أتخض؟
‫رؤيتي للورق غير التقليدي
ده رأي الزُملا، أنا سِبت النص
بنيت شخصيتي، ما سِبتش مصر، أنا لسه في بيتي
‫‫ما عِشتش Fake وما عِشتش زيف
أنا من الأرياف، أنا راجل البيت
والعيش والملح يا أبويا ما نسيت، آه

[الخاتمة]
مش عارف ليه الليالي دي بالذات؟
بفتكر ماضي عليه مية علامة إستفهام
غش، غل، كذب، كراهية، كل شيء متاح
في دنيا فيها الصادق قيمته أقل من الكذاب
ما لقيتش فايدة أرمي ودني لكلام الناس
شافوني غلط، برضه أنا كملت وبإعجاز
يمين شمال، طريق يمين، تايه، كنت محتاس
أهو أنا مشيتها صح الصح، الصح وعكس عكاس